Një studim i kryer te minjtë mund të ndihmojë shumë për të kuptuar se si depresioni dhe stresi i zgjatur rrit rrezikun e sëmundjeve kardiovaskulare.

“Hulumtimet e mëparshme kanë treguar se çrregullimet e mëdha depresive dhe ankthi për shkak të stresit të zgjatur dhe të rëndë janë shoqëruar me një shkallë të shtuar të sëmundjeve kardiovaskulare. Rreziku i zhvillimit të sëmundjeve kardiovaskulare rritet në përpjesëtim me ashpërsinë e depresionit,” tha autori kryesor i studimit Ozlem Tufanli, Profesor në Shkollën e Mjeksisë në Nju Jork, transmeton portal arbresh.info

“Kur janë të pranishme edhe një çrregullim i madh depresiv dhe një sëmundje kardiovaskulare, prognoza është më e keqe për të dyja kushtet”, shtoi ai.

Studiuesit thonë se studimi i tyre është i pari që përdor një model të stresit dhe depresionit kronik te minjtë për të hetuar nëse stresi kronik mund të ndikojnë në mosfunksionimin e ilaqeve për uljen e kolesterolit.

Gjysma e minjve u ekspozuan ndaj stresit social duke ndarë hapësirën e tyre të jetesës me minj të tjerë më të mëdhenj, agresivë për periudha të shkurtra kohore mbi dhjetë ditë. Pas çdo episodi stresi, minjtë u vlerësuan për shmangie sociale dhe sjellje të ngjashme me depresionin ose ankth.

Analizat zbuluan se, krahasuar me minjtë që nuk ishin të ekspozuar ndaj stresit (grupi i kontrollit), minjtë e ndjeshëm (depresiv) nga grupi i ekspozuar ndaj stresit social kishin:

50% rritje më e lartë e qelizave imune brenda pllakës në arteriet e tyre; dyfishon numrin e monociteve qarkulluese, të cilat janë pararendëse të qelizave inflamatore;

Rritje 80% e numrit të prekursorëve të qelizave imune në palcën e eshtrave; më pak kolagjen brenda pllakës në arterie, që është një tregues i paqëndrueshmërisë; dhe një ulje e ngjashme e niveleve të lipideve kur krahasohet me përgjigjen e grupeve të kontrollit ndaj ilaçeve për uljen e LDL.

Sipas shkencëtarëve zbulimi kryesor në këtë studim është se stresi i përsëritur dhe efektet fiziologjike dhe të sjelljes së ndërveprimeve armiqësore  duket se parandalojnë ndryshimet e plota të dobishme të pllakave që duhet të shkaktohen nga medikamentet për uljen e kolesterolit.

Studimi vë në dukje se nga efektet negative të kolesterolit të lartë mund të rriten dhe përfitimet e kolesterolit të ulët të zvogëlohen./arbresh.info/